convenancer

Convenancer, neutr. acut. Est faire paction, tomber d'accord par stipulation, ou autrement, d'une chose querelée contre les parties convenançans, ou de chose à advenir. De là vient qu'en aucuns anciens Romans on trouve ces manieres de parler, Ils ont ainsi convenancé. De rebus inter eos controuersis ita conuenerunt, pepigerunt. Et convenancer une fille ou femme à futur mariage, c'est à dire fiancer. Car on appelle aussi convenances les articles convenus et accordez en un traitté de mariage. Pacta conuenta in tabulis matrimonij, qu'on dit, Pacta matrimonialia. Conventions matrimoniales, et convenancer une fille à quelqu'un pour femme, est la luy promettre et accorder à femme future, Spondere, Despondere.

Thresor de la langue françoyse. Jean Nicot.